Ablah Dzifa Gomashie

Ablah Dzifa Gomashie
Tuma

Ablah Dzifa Gomashie nyɛla Ghana bilichini ŋun nya kpɛrikpɛriti paɣa, kpɛrikpɛriti namda, sabi sabira ni siasa nira. Ŋuni n daa nyɛ Minisita paa zaŋ n-ti Tourism Ministry di ni niŋ ka National Democratic Congress (NDC) bɛ gomnanti ni, din gbaai yuuni 2013 hali ni 2017 John Dramani Manama ni daa nya tiŋgbani zuɣulana. Ti ni ʒia saha shɛli ŋɔ, ŋuni n na nya NDC nim ni daa piigi ni o zani bo jintɔri tali Ketu South Constituency, ka lahi nya Paɣa Naa zaŋ n-ti Aflao nam yaɣali.

O shikuru baŋsim

Gomashie nyɛla bihi bapira yuli booni Patrick Dotse Gomashie ni Helen Gomashie ni daa dɔɣi so Accra. O nyɛla ŋun yina Aflao din bɛ Volta Region ka nya be ni dɔɣi so silimin goli July 25, 1965. O nyɛla ŋun daa chaŋ o Senior High School la St. Louis Senior High School din be Kumasi yiŋ dundɔŋ ni ka daa tuɣi o shikuru bohimbu University of Ghana, luɣishɛli o ni daa deei shikuru shɛhira gbana din nyɛ diploma in Theatre Arts, bachelor’s degree in Theatre Management ni MPhil in African Studies din yina Institute of African Studies.

O tuma

Gomashie kpɛrikpɛriti tali pilli la 1985 yuuni di ni daa niŋ ka o kpɛ Talents Theatre Company. O daa pahi kpɛriti ni kamani Black Star, Mambo, Chaka the Zulu, Jogolo, ni The Third Woman. O lahi nyɛla ŋun daa pahi kpɛriti ni pam kamani Ghost Tears, House of Pain, Heart of Gold, ni n-ti lahi pahi National Arts NAFTI shikuru bihi kpɛriti. O lahi nyɛla ŋun sabiri kpɛriti, ŋuni n daa sabi ka ŋmaai filim di yuli booni ‘By The Fire Side’, GTV lahabali tibu din kpaŋsiri bihi ni be karima ka lahi kpaŋsi zooi be karimbu yiko, a maa ti ni ʒia saha shɛli ŋɔ bi pa pala ban lahi ŋmɛrili ka di nyɛla ariʒichi kani yɛn tabi sɔŋ.

Kpɛrigu ŋɔ din nyaaŋa, o nyɛla ŋun mali bindirigu kohibu sheei din yuli booni ‘Mama’s Kitchen’ ka bɛ Ashale Botwe, ka na bi lahi tumda.

O siyaasa

Yuuni 2013, o daa nyɛla tiŋgbani zuɣulana John Dramani Manama ni piigi so leei minisita paa zaŋ n-ti Tourism, Arts & Culture, zaasheei shɛli o ni daa kuli bɛ hali o paati, NDC ti sheei nam ni ka galisi gɔmnanti ban daa kana yuuni 2017.

Silimin goli August 24, 2019, o daa bo nam ka di li ni o zani n-ti National Democratic Congress (NDC) n bo Ketu South Constituency jintɔri tali yuuni 2020 piibu piibu maa ni. O daa diya ni piibu kalli 586 ka ban gba daa zani pahi o zuɣu maa, Foga Nukunu nya piibu kali 555, Joseph Nyavi nya piibu kalli 294, ka Nicholas Worklatsi mi daa nya kalli 302.

Komitii-nima

Gomashie nyɛla ŋun bɛ komiitii din nyɛ Poverty Reduction Strategy Committee ni Trade, Industry and Tourism Committee.

O biɛhigu

Gomashie yidana n daa nyɛ Martin K.G Ahiaglo. Be daa bi tooi nam zuliya bɛ ʒia maa ni. Dzifa nyɛla ŋun daa dɔɣi bidibila o do kuru maa yiŋa.

Kpaŋmaŋa pini

O nyɛla 3Music Awards nim ni daa ŋmɛ nupuɣu pam zaŋ chaŋ o ni mali kpaŋmaŋa shɛli zaŋ chaŋ dɛɛma dɛɛma yaɣali polo.